This page is available in the following languages
This page can be viewed in:
NAATI ਪ੍ਰਮਾਣੀਕਰਨ ਕੀ ਹੈ?
NAATI ਅਨੁਵਾਦਕਾਂ ਅਤੇ ਦੁਭਾਸ਼ੀਆਂ ਲਈ ਰਾਸ਼ਟਰੀ ਮਾਪਦੰਡ ਨਿਯਤ ਕਰਨ ਅਤੇ ਪ੍ਰਮਾਣਿਤ ਕਰਨ ਵਾਲੀ ਅਥਾਰਟੀ ਹੈ।
NAATI ਪ੍ਰਮਾਣੀਕਰਨ (ਜਾਂ ਮਾਨਤਾ) ਰੱਖਣ ਦਾ ਮਤਲਬ ਹੈ ਕਿ ਤੁਸੀਂ ਭਾਈਚਾਰੇ ਵਿੱਚ ਅਨੁਵਾਦਕਾਂ ਅਤੇ ਦੁਭਾਸ਼ੀਏ ਤੋਂ ਉਮੀਦ ਕੀਤੇ ਜਾਂਦੇ ਮਿਆਰ ਨੂੰ ਪੂਰਾ ਕਰਦੇ ਹੋ।
ਸਾਡੇ ਬਹੁ-ਸੱਭਿਆਚਾਰਕ ਭਾਈਚਾਰੇ ਦੀਆਂ ਬਦਲਦੀਆਂ ਲੋੜਾਂ ਨੂੰ ਦਰਸਾਉਣ ਲਈ ਵੱਖ-ਵੱਖ ਉਦੇਸ਼ਾਂ ਲਈ ਵੱਖ-ਵੱਖ ਪ੍ਰਮਾਣੀਕਰਨ ਕਿਸਮਾਂ ਦੀ ਪੇਸ਼ਕਸ਼ ਕੀਤੀ ਜਾਂਦੀ ਹੈ।
ਪ੍ਰਮਾਣੀਕਰਨ ਪ੍ਰਣਾਲੀ ਕਿਵੇਂ ਤਿਆਰ ਕੀਤੀ ਗਈ ਸੀ?
ਪ੍ਰਮਾਣੀਕਰਨ ਪ੍ਰਣਾਲੀ ਨੂੰ ਗਿਆਨ, ਹੁਨਰ ਅਤੇ ਗੁਣਾਂ ਵਿੱਚ ਕਾਫ਼ੀ ਸਾਰੀ ਖੋਜ ਅਤੇ ਸਲਾਹ-ਮਸ਼ਵਰੇ ਕਰਨ ਤੋਂ ਬਾਅਦ ਤਿਆਰ ਕੀਤਾ ਗਿਆ ਸੀ ਜੋ ਅਨੁਵਾਦਕਾਂ ਅਤੇ ਦੁਭਾਸ਼ੀਏ ਵਜੋਂ ਕੰਮ ਕਰਨ ਵਿੱਚ ਸਫ਼ਲ ਹੋਣ ਲਈ ਜ਼ਰੂਰੀ ਹੁੰਦੇ ਹਨ।
ਜੇਕਰ ਤੁਸੀਂ ਹੋਰ ਜਾਣਨਾ ਚਾਹੁੰਦੇ ਹੋ ਤਾਂ ਤੁਸੀਂ NAATI ਟੈਸਟਿੰਗ ਰਿਪੋਰਟ ਵਿੱਚ ਸੁਧਾਰ, ਅਤੇ ਗਿਆਨ, ਹੁਨਰ ਅਤੇ ਗੁਣਾਂ ਦੇ ਦਸਤਾਵੇਜ਼ NAATI ਟੈਸਟਿੰਗ ਪ੍ਰੋਜੈਕਟ ਸੁਧਾਰ ਪੰਨੇ ਵਿੱਚ ਪੜ੍ਹ ਸਕਦੇ ਹੋ (ਸਿਰਫ਼ ਅੰਗਰੇਜ਼ੀ ਭਾਸ਼ਾ ਵਿੱਚ ਉਪਲਬਧ ਹਨ)।
ਇਸ ਪੰਨੇ 'ਤੇ
ਪ੍ਰਮਾਣਿਤ ਕਿਵੇਂ ਹੋਈਏ: ਪ੍ਰਮਾਣੀਕਰਨ ਦੇ ਤਿੰਨ ਥੰਮ੍ਹ
1. ਰਸਮੀ ਸਿਖਲਾਈ ਨੂੰ ਪੂਰਾ ਕਰੋ
ਅਤੇ ਪੂਰਵ-ਨਿਰਧਾਰਤ ਸ਼ਰਤਾਂ ਨੂੰ ਪੂਰਾ ਕਰੋ।
ਤੁਹਾਨੂੰ NAATI ਲਈ ਅਰਜ਼ੀ ਦੇਣ ਤੋਂ ਪਹਿਲਾਂ ਦੁਭਾਸ਼ੀਏ ਜਾਂ ਅਨੁਵਾਦਕ ਲਈ ਰਸਮੀ ਸਿਖਲਾਈ ਪੂਰੀ ਕਰਨੀ ਲਾਜ਼ਮੀ ਹੈ। ਹੋਰ ਸ਼ਰਤਾਂ ਵਿੱਚ ਤੁਹਾਡੀ ਅੰਗਰੇਜ਼ੀ ਮੁਹਾਰਤ, ਨੈਤਿਕ ਯੋਗਤਾ ਅਤੇ ਅੰਤਰ-ਸੱਭਿਆਚਾਰਕ ਯੋਗਤਾ ਦਾ ਪ੍ਰਦਰਸ਼ਨ ਕਰਨਾ ਸ਼ਾਮਲ ਹੈ।
ਇਹ ਉਸ ਪ੍ਰਮਾਣੀਕਰਨ ‘ਤੇ ਨਿਰਭਰ ਕਰਦਾ ਹੈ ਜਿਸ ਲਈ ਤੁਸੀਂ ਅਰਜ਼ੀ ਦੇ ਰਹੇ ਹੋ।
2. NAATI ਤੋਂ
ਪ੍ਰਮਾਣੀਕਰਨ ਪ੍ਰੀਖਿਆ ਪਾਸ ਕਰੋ
ਜਾਂ ਆਪਣੇ ਕੰਮ ਕਰਦੇ ਹੋਣ ਨੂੰ ਦਿਖਾਓ (ਮਾਨਤਾ-ਪ੍ਰਾਪਤ ਅਭਿਆਸ ਪ੍ਰਮਾਣੀਕਰਨ ਲਈ)
ਵੱਖ-ਵੱਖ ਪ੍ਰਮਾਣੀਕਰਨਾਂ ਬਾਰੇ ਹੋਰ ਜਾਣਕਾਰੀ ਲਈ, ਹੇਠਾਂ ਪ੍ਰਮਾਣੀਕਰਨ ਚੁਣੋ ਸੈਕਸ਼ਨ ‘ਤੇ ਜਾਓ।
3. ਹਰ ਤਿੰਨ ਸਾਲਾਂ ਬਾਅਦ ਮੁੜ-ਪ੍ਰਮਾਣੀਕਰਨ ਪ੍ਰਾਪਤ ਕਰੋ।
ਸਾਰੇ NAATI ਪ੍ਰਮਾਣੀਕਰਨ ਸ਼ੁਰੂਆਤੀ ਤਿੰਨ ਸਾਲਾਂ ਬਾਅਦ ਖ਼ਤਮ ਹੋ ਜਾਣਗੇ। ਆਪਣੇ ਪ੍ਰਮਾਣੀਕਰਨ ਨੂੰ ਇਸ ਤੋਂ ਬਾਅਦ ਵਿੱਚ ਵੀ ਰੱਖਣ ਲਈ, ਤੁਹਾਨੂੰ ਇਹ ਦਰਸਾ ਕੇ ਦੁਬਾਰਾ ਪ੍ਰਮਾਣਿਤ ਹੋਣ ਦੀ ਲੋੜ ਹੁੰਦੀ ਹੈ ਕਿ ਤੁਸੀਂ ਕੰਮ ਕਰਦੇ ਹੋਣ ਦੇ ਅਭਿਆਸ ਅਤੇ ਪੇਸ਼ੇਵਰ ਵਿਕਾਸ ਦੁਆਰਾ ਆਪਣੇ ਹੁਨਰ ਅਤੇ ਭਾਸ਼ਾ ਨੂੰ ਕਾਇਮ ਰੱਖ ਰਹੇ ਹੋ। ਇਹ ਭਾਈਚਾਰੇ ਨੂੰ ਭਰੋਸਾ ਦਿਵਾਉਂਦਾ ਹੈ ਕਿ ਸਿਰਫ਼ ਅਭਿਆਸ ਕਰਨ ਵਾਲੇ ਪੇਸ਼ੇਵਰ ਹੀ NAATI ਪ੍ਰਮਾਣੀਕਰਨ ਰੱਖਦੇ ਹਨ।
ਪ੍ਰਮਾਣੀਕਰਨ ਚੁਣਨਾ
NAATI ਦੀ ਪ੍ਰਮਾਣੀਕਰਨ ਪ੍ਰਣਾਲੀ ਅਨੁਵਾਦਕਾਂ ਅਤੇ ਦੁਭਾਸ਼ੀਏ ਲਈ ਅੱਠ ਵੱਖ-ਵੱਖ ਪ੍ਰਮਾਣੀਕਰਨ ਪੇਸ਼ ਕਰਦੀ ਹੈ ਜੋ ਤੁਸੀਂ ਹੇਠਾਂ ਦੇਖ ਸਕਦੇ ਹੋ।
ਉਹ ਦੋ ਮੁੱਖ ਸ਼੍ਰੇਣੀਆਂ ਵਿੱਚ ਆਉਂਦੇ ਹਨ:
- ਪ੍ਰਮਾਣੀਕਰਨ, ਜਿਸ ਵਿੱਚ NAATI ਨੂੰ ਟੈਸਟ ਦੇਣਾ ਸ਼ਾਮਲ ਹੈ
- ਮਾਨਤਾ ਪ੍ਰਾਪਤ ਅਭਿਆਸ, ਜਿੱਥੇ ਟੈਸਟ ਉਪਲਬਧ ਨਹੀਂ ਹਨ ਅਸੀਂ ਅਸਿੱਧੇ ਤੌਰ ‘ਤੇ ਤੁਹਾਡੇ ਕੰਮ ਦੇ ਅਭਿਆਸ ਨੂੰ ਦੇਖ ਕੇ ਤੁਹਾਡੀ ਯੋਗਤਾ ਦਾ ਮੁਲਾਂਕਣ ਕਰਾਂਗੇ।
ਤੁਸੀਂ ਕਿਸ ਕਿਸਮ ਦਾ ਕੰਮ ਕਰਨਾ ਚਾਹੁੰਦੇ ਹੋ ਅਤੇ ਤੁਸੀਂ ਕਿਸ ਪੱਧਰ ਦੀ ਰਸਮੀ ਸਿਖਲਾਈ ਨੂੰ ਪੂਰਾ ਕਰਦੇ ਹੋ, ਇਸਦੇ ਆਧਾਰ ‘ਤੇ ਤੁਹਾਨੂੰ ਅਰਜ਼ੀ ਦੇਣ ਲਈ ਪ੍ਰਮਾਣੀਕਰਨ ਦੀ ਚੋਣ ਕਰਨੀ ਚਾਹੀਦੀ ਹੈ।
ਹਰੇਕ ਪ੍ਰਮਾਣੀਕਰਨ ਅਤੇ NAATI ਹਰੇਕ ਲਈ ਕੀ ਮੁਲਾਂਕਣ ਕਰਦਾ ਹੈ ਇਸ ਬਾਰੇ ਹੋਰ ਜਾਣਨ ਲਈ ਹੇਠਾਂ ਦਿੱਤੇ ਫਲਿੱਪ ਕਾਰਡਾਂ ‘ਤੇ ਕਲਿੱਕ ਕਰੋ। ਇਹ ਲਿੰਕ ਤੁਹਾਨੂੰ ਹਰੇਕ ਪ੍ਰਮਾਣੀਕਰਨ ਬਾਰੇ ਵਿਸਥਾਰ ਪੂਰਵਕ ਜਾਣਕਾਰੀ ਦੇਖਣ ਲਈ ਲੈ ਜਾਣਗੇ (ਸਿਰਫ਼ ਅੰਗਰੇਜ਼ੀ ਭਾਸ਼ਾ ਵਿੱਚ), ਜਿਸ ਵਿੱਚ ਸਿਖਲਾਈ ਅਤੇ ਪੂਰਵ-ਸ਼ਰਤਾਂ ਸ਼ਾਮਲ ਹਨ ਜੋ ਤੁਹਾਨੂੰ ਪ੍ਰਮਾਣਿਤ ਬਣਨ ਲਈ ਪੂਰੀਆਂ ਕਰਨੀਆਂ ਪੈਣਗੀਆਂ।
ਅਨੁਵਾਦਕ
ਰੈਕੋਗਨਾਈਜ਼ਡ ਪ੍ਰੈਕਟਿਸਿੰਗ ਟਰਾਂਸਲੇਟਰ (ਮਾਨਤਾ ਪ੍ਰਾਪਤ ਅਭਿਆਸਕ ਅਨੁਵਾਦਕ)
(ਔਸਲਨ ਪ੍ਰਮਾਣੀਕਰਨ ਉਪਲਬਧ ਹੈ)
ਇਹਨਾਂ ਵਿੱਚੋਂ ਕੋਈ ਪ੍ਰਮਾਣੀਕਰਨ ਦਿੱਤੇ ਜਾਣ ਲਈ ਕਿਸੇ ਟੈਸਟ ਦੀ ਲੋੜ ਨਹੀਂ ਹੈ, ਪਰ ਬਿਨੈਕਾਰਾਂ ਨੂੰ ਕੰਮ ਕਰਨ ਦੇ ਅਨੁਭਵ ਦਾ ਸਬੂਤ ਦੇਣਾ ਲਾਜ਼ਮੀ ਹੈ।
ਬੋਲੀ ਜਾਣ ਵਾਲੀਆਂ ਭਾਸ਼ਾਵਾਂ | ਲਿਖਤੀ ਅੰਗਰੇਜ਼ੀ ਤੋਂ ਔਸਲਾਨ ਵਿੱਚ
ਸਰਟੀਫਾਈਡ ਟਰਾਂਸਲੇਟਰ (ਪ੍ਰਮਾਣਿਤ ਅਨੁਵਾਦਕ)
NAATI ਦੁਆਰਾ ਮੁਲਾਂਕਣ ਕੀਤੇ ਜਾਂਦੇ ਕੰਮ
• ਗ਼ੈਰ-ਵਿਸ਼ੇਸ਼ ਲਿਖਤਾਂ ਦਾ ਅਨੁਵਾਦ
• ਇੱਕ ਗ਼ੈਰ-ਵਿਸ਼ੇਸ਼ ਅਨੁਵਾਦ ਵਿੱਚ ਸੋਧ ਕਰਨਾ
ਦੁਭਾਸ਼ੀਏ
ਰੈਕੋਗਨਾਈਜ਼ਡ ਪ੍ਰੈਕਟਿਸਿੰਗ ਇੰਟਰਪ੍ਰੇਟਰ (ਮਾਨਤਾ ਪ੍ਰਾਪਤ ਅਭਿਆਸਕ ਦੁਭਾਸ਼ੀਏ)
(ਬੋਲ਼ੇ ਲੋਕਾਂ ਲਈ ਪ੍ਰਮਾਣੀਕਰਨ ਉਪਲਬਧ ਹੈ)
ਇਹਨਾਂ ਵਿੱਚੋਂ ਕੋਈ ਪ੍ਰਮਾਣੀਕਰਨ ਦਿੱਤੇ ਜਾਣ ਲਈ ਕਿਸੇ ਟੈਸਟ ਦੀ ਲੋੜ ਨਹੀਂ ਹੈ, ਪਰ ਬਿਨੈਕਾਰਾਂ ਨੂੰ ਕੰਮ ਕਰਨ ਦੇ ਅਨੁਭਵ ਦਾ ਸਬੂਤ ਦੇਣਾ ਲਾਜ਼ਮੀ ਹੈ।
ਸਰਟੀਫਾਈਡ ਪ੍ਰੋਵੀਜ਼ਨਲ ਇੰਟਰਪ੍ਰੇਟਰ (ਪ੍ਰਮਾਣਿਤ ਆਰਜ਼ੀ ਦੁਭਾਸ਼ੀਆ)
(ਔਸਲਨ ਅਤੇ ਬੋਲ਼ੇ ਲੋਕਾਂ ਲਈ ਦੁਭਾਸ਼ੀਏ ਵਜੋਂ ਕੰਮ ਕਰਨ ਲਈ ਟੈਸਟ ਉਪਲਬਧ ਹਨ)
NAATI ਦੁਆਰਾ ਮੁਲਾਂਕਣ ਕੀਤੇ ਜਾਂਦੇ ਕੰਮ
• ਅੰਗ੍ਰੇਜ਼ੀ ਅਤੇ ਕੋਈ ਹੋਰ ਭਾਸ਼ਾ ਬੋਲਣ ਵਾਲੇ ਵਿਚਕਾਰ ਆਹਮੋ-ਸਾਹਮਣੇ (ਜਾਂ ਵੀਡੀਓ) ਅਤੇ ਰਿਮੋਟ (ਟੈਲੀਫ਼ੋਨ) ਸੰਵਾਦਾਂ ਦੀ ਵਿਆਖਿਆ ਕਰਨਾ, ਮੌਕੇ 'ਤੇ ਭੂਮਿਕਾ ਨਿਭਾਉਣ ਵਾਲਿਆਂ ਦੁਆਰਾ ਸੰਵਾਦ ਕਰਨ ਦੁਆਰਾ।
ਬੋਲੀ ਜਾਣ ਵਾਲੀਆਂ ਭਾਸ਼ਾਵਾਂ | ਔਸਲਾਨ | ਬੋਲ਼ੇ ਲੋਕਾਂ ਲਈ ਦੁਭਾਸ਼ੀਆਂ
ਸਰਟੀਫਾਈਡ ਇੰਟਰਪ੍ਰੇਟਰ (ਪ੍ਰਮਾਣਿਤ ਦੁਭਾਸ਼ੀਆ)
ਪ੍ਰਮਾਣਿਤ ਦੁਭਾਸ਼ੀਆ ਬਣਨ ਲਈ ਤੁਹਾਨੂੰ NAATI ਦੇ ਨਾਲ ਦੋ ਟੈਸਟ ਪਾਸ ਕਰਨ ਦੀ ਲੋੜ ਹੁੰਦੀ ਹੈ: ਸਰਟੀਫਾਈਡ ਪ੍ਰੋਵੀਜ਼ਨਲ ਇੰਟਰਪ੍ਰੇਟਰ (CPI) ਟੈਸਟ ਅਤੇ ਸਰਟੀਫਾਈਡ ਇੰਟਰਪ੍ਰੇਟਰ (CI) ਟੈਸਟ।
(ਔਸਲਨ ਟੈਸਟ ਉਪਲਬਧ ਹੈ)
NAATI ਦੁਆਰਾ ਮੁਲਾਂਕਣ ਕੀਤੇ ਜਾਂਦੇ ਕੰਮ
• ਦੋ ਵਿਅਕਤੀਆਂ ਵਿਚਕਾਰ ਹੋ ਰਹੀ ਗੱਲਬਾਤ ਦੀ ਵਿਆਖਿਆ ਕਰਨਾ
• ਕਿਸੇ ਭਾਸ਼ਾ ਵਿੱਚ (ਲਿਖਤ) ਦਸਤਾਵੇਜ਼ਾਂ ਦਾ ਦੇਖ ਕੇ (ਮੌਖਿਕ) ਅਨੁਵਾਦ ਕਰਨਾ ।
• ਮੋਨੋਲੋਗ ਇੰਟਰਪ੍ਰੇਟਿੰਗ (ਸਿਲਸਿਲੇਵਾਰ ਅਤੇ ਨਾਲੋਂ-ਨਾਲ ਇੱਕੋ ਸਮੇਂ 'ਤੇ, ਵਿਆਖਿਆ ਕਰਨਾ)
ਬੋਲੀ ਜਾਣ ਵਾਲੀਆਂ ਭਾਸ਼ਾਵਾਂ | ਔਸਲਾਨ
ਸਰਟੀਫਾਈਡ ਸਪੈਸ਼ਲਿਸਟ ਹੈਲਥ ਇੰਟਰਪ੍ਰੇਟਰ
(ਔਸਲਨ ਟੈਸਟ ਉਪਲਬਧ ਹੈ)
NAATI ਦੁਆਰਾ ਮੁਲਾਂਕਣ ਕੀਤੇ ਜਾਂਦੇ ਕੰਮ
• ਸਿਹਤ ਗਿਆਨ ਟੈਸਟ
• ਦੁਭਾਸ਼ੀਆ ਟੈਸਟ
ਬੋਲੀ ਜਾਣ ਵਾਲੀਆਂ ਭਾਸ਼ਾਵਾਂ | ਔਸਲਾਨ
ਸਰਟੀਫਾਈਡ ਸਪੈਸ਼ਲਿਸਟ ਕਾਨੂੰਨੀ ਦੁਭਾਸ਼ੀਏ
(ਔਸਲਨ ਟੈਸਟ ਉਪਲਬਧ ਹੈ)
NAATI ਦੁਆਰਾ ਮੁਲਾਂਕਣ ਕੀਤੇ ਜਾਂਦੇ ਕੰਮ
• ਕਾਨੂੰਨੀ ਗਿਆਨ ਟੈਸਟ
• ਦੁਭਾਸ਼ੀਆ ਟੈਸਟ
ਬੋਲੀ ਜਾਣ ਵਾਲੀਆਂ ਭਾਸ਼ਾਵਾਂ | ਔਸਲਾਨ
ਸਰਟੀਫਾਈਡ ਕਾਨਫਰੰਸ ਇੰਟਰਪ੍ਰੇਟਰ (ਪ੍ਰਮਾਣਿਤ ਕਾਨਫਰੰਸ ਦੁਭਾਸ਼ੀਏ)
(ਔਸਲਨ ਟੈਸਟ ਉਪਲਬਧ ਹੈ)
NAATI ਦੁਆਰਾ ਮੁਲਾਂਕਣ ਕੀਤੇ ਜਾਂਦੇ ਕੰਮ
• ਬੂਥ ਇੰਟਰਪ੍ਰੇਟਿੰਗ ਸਮੇਤ ਮੋਨੋਲੋਗ (ਸਿਲਸਿਲੇਵਾਰ ਅਤੇ ਨਾਲੋਂ-ਨਾਲ ਇੱਕੋ ਸਮੇਂ 'ਤੇ,
ਦੇਖੇ ਅਤੇ ਅਣਦੇਖੇ ਦੋਵੇਂ ਤਰ੍ਹਾਂ ਦੀ ਗੱਲਬਾਤ) ਦੀ ਵਿਆਖਿਆ ਕਰਨਾ
ਬੋਲੀ ਜਾਣ ਵਾਲੀਆਂ ਭਾਸ਼ਾਵਾਂ | ਔਸਲਾਨ
Useful resources
Frequent questions
View our terms and conditions or check out the answers to some of our frequently asked questions (FAQs).
Next steps
Learn more about the importance of recertification for all NAATI certified practitioners, and the job and professional development opportunities available to you.
About Us
NAATI is a public, not-for-profit company that is jointly owned by the Commonwealth, state and territory governments.
